Të rinjtë e partisë së Ramush Haradinajt janë duke i vazhduar aksionet përpara objektit të Qeverisë së Kosovës si shenjë proteste kundër heqjes së taksës 100% ndaj produkteve me origjinë nga Serbia dhe Bosnje e Hercegovina, raporton Gazeta Express.
Derisa para pak ditësh kishin hedhur vetëm një kuti të improvizuar biskotash “Plazma” brenda ndërtesës dhe kishin vendosur disa parulla në rrethojat e objektit të Qeverisë, sot kanë vendosur dy improvizime të kryeministres Ana Brnabiq dhe të Albin Kurtit.