“Të jesh vetvetja – Në mes artit skenik dhe letërsisë”

Arte

Gazeta Express

16/12/2025 15:57

Libraria ‘Book World’ organizon debat të hapur me lexuesit dhe aktorin, regjisorin e shkrimtarin Xhevat Limani mbi temën “Të jesh vetvetja – Në mes artit skenik dhe letërsisë”.

Biografia e Autorit:

Xhevat Limani është një nga figurat më të spikatura të artit skenik shqiptar, me një karrierë që shtrihet në disa dekada dhe kontinente. Ka luajtur në mbi 100 projekte artistike dhe mbi 7000 shfaqje në më shumë se 50 shtete të botës. Fitues i dhjetëra çmimeve teatrore dhe filmike ndërkombëtare, përfshirë edhe “Urdhër i Kalorësit të Skëndërbeut” nga Presidenti i Republikës së Shqipërisë dhe “Lifetime Achievement Award” në New York, ai është themelues i Teatrit Shqiptar në Amerikë. Përvoja e tij artistike ndërthur teatrin, letërsinë dhe reflektimin mbi identitetin dhe njeriun.

Ngjarja mbahet në Librarinë ‘Book World’ më 23 dhjetor me fillim nga ora 19:00.