Të gjitha shenjat që paralajmërojnë mpiksjen e gjakut

Keshilla Mjekësore

Gazeta Express

27/05/2022 19:43

Mpiksja e gjakut (tromboza), si ta kuptojmë?

Çfarë është mpiksja e gjakut?

Mpiksja e gjakut një grumbull qelizash dhe proteinash në gjak. Një mpiksje ngadalëson gjakderdhjen në rast plagosjeje. Zakonisht shpërbëhet ndërsa shëroheni, por nëse formohet kur nuk është e nevojshme, mund të bllokojë pjesërisht ose plotësisht një enë gjaku.

Ҫfarë problemesh mund të shkaktojë?

Një mpiksje gjaku e papritur mund të çojë në probleme serioze e madje edhe vdekje. Nëse formohet në një arterie, ajo mund të japë një infarkt në zemër, një goditje në tru apo një ishemi të këmbëve. Nëse ndodh në një venë, mund të ndjeni dhembje dhe ënjtje. Një mpiksje gjaku në një venë në thellësi të trupit quhet trombozë në venën e thellë (DVT: deep vein thrombosis); nëse ndodhet në mushkëri kemi të bëjmë me një embolizëm pulmonar (EP). Të dyja rastet klasifikohen si të rrezikshme për jetën.

Ju mund të keni një mpiksje gjaku nëse thyeni një kockë ose pësoni një tërheqje të keqe muskulare, por ndonjëherë nuk mund ta dini pse është krijuar mpiksja e gjakut. Megjithatë gjasat për të patur mpikjse të gjakut janë më të larta nëse:

• Jeni duke u riaftësuar nga një operacion kirurgjikal ose jeni të detyruar

qëndroni ulur për një kohë të gjatë.

• Jeni mbipeshë ose obezë.

• Keni diabet ose kolesterol të lartë.

• Jeni mbi 60 vjeç.

Simptomat:

• Ënjtje dhe dhimbje në këmbën e prekur

• Ndryshim të ngjyrës së lëkurës

• Nxehtësi në zonën e prekur

• Dhimbje gjatë lëvizjes

• Dhimbje në kraharor

• Dhimbje në këmbë dhe pulpë

• Lodhje e pashpjegueshme

• Gulçim ose vështirësi në frymëmarrje

• Kollitje e papritur

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

/abcnews.al