Tarifat shtesë amerikane, lideri konservator: Kanadaja duhet të hakmerret

Lajme

Gazeta Express

11/03/2025 18:16

Pierre Poilievre, lideri i Partisë Konservatore të Kanadasë, i ka bërë thirrje qeverisë liberale që “të sjellë menjëherë tarifa hakmarrëse” për t’iu përgjigjur rritjes së taksave të Donald Trump për importet kanadeze të çelikut dhe aluminit.

“Nëse Presidenti Trump po aplikon tarifa 50 për qind për çelikun dhe aluminin tonë, atëherë Kanadaja duhet të kundërpërgjigjet me tarifa 50 për qind për të gjithë çelikun dhe aluminin e importuar nga Shtetet e Bashkuara,” thotë Poilievre, ka raportuar BBC, transmeton Gazeta Express.

Në një mesazh të drejtpërdrejtë për administratën amerikane, Poilievre shton: “Mos e ngatërroni mirësinë tonë me dobësi, ne jemi një vend i fortë, krenar dhe sovran dhe do të luftojmë kundër këtyre sulmeve kundër ekonomisë dhe punëtorëve tanë”.