Tani qentë do të kenë mundësi t’i telefonojnë pronarët e tyre

AutoTech

Gazeta Express

17/11/2021 22:23

Qentë mund t’i thërrasin pronarët e tyre me një shpikje të re për të cilën projektuesit pretendojnë se mund të ndihmojë në trajtimin e ankthit tek kafshët shtëpiake që lihen vetëm në shtëpi.

Sistemi, i quajtur DogPhone, funksionon kur një kafshë shtëpiake merr dhe tund një top të butë të pajisur me një përshpejtues, një lloj sensori.

Kur ndihet lëvizja, një sinjal i dërgohet një laptopi i cili nis një videotelefonatë.

Pronari madje mund t’i bëjë një telefonatë kafshës shtëpiake, e cila duhet të lëvizë topin për t’u përgjigjur.

Dr Ilyena Hirskyj-Douglas nga Universiteti i Glasgow, qeni i saj 10-vjeçar, Zack, dhe kolegët nga Universiteti Aalto në Finlandë, kanë punuar në pajisjen.

Ekipi beson se pajisja mund t’i ndihmojë kafshët shtëpiake të ndihen më pak të shqetësuara kur pronarët e tyre nuk janë me ta, shkruan Sky News, përcjell Klankosova.tv.

“Shumica e lodrave inteligjente janë ndërtuar duke pasur parasysh nevojat e pronarëve të qenve, duke i lejuar ata të vëzhgojnë kafshët e tyre ndërsa janë larg shtëpisë. Shumë pak prej tyre duket se mendojnë se çfarë mund të duan vetë qentë”, Douglas.

Në një provë, Zack thirri pronaren e tij, duke marrë dhe tundur një top të pajisur me një akselerometër, gjë që shkaktoi një video-telefonatë në një laptop në dhomën e saj të ndenjes.

Ndërsa Zack bëri disa thirrje “aksidentale” kur flinte me top, studiuesit thanë se disa nga thirrjet përfshinin qenin duke i treguar pronarit të tij lodrat e tij dhe duke iu afruar ekranit, duke sugjeruar se ai donte të ndërvepronte me të.

Dr Hirskyj-Douglas u përgjigj duke përdorur telefonin e saj për t’i treguar Zack mjedisin e saj, duke përfshirë zyrën e saj, një restorant dhe një autobus në rrugë, gjatë së cilës qeni ngriti veshët dhe iu afrua ekranit.