Taksat e reja prej 15% – Si planifikon Trump t’i mbajë në fuqi tarifat

Lajme

Gazeta Express

21/02/2026 19:33

Vendimi i Gjykatës së Lartë që tarifat reciproke të presidentit amerikan Donald Trump ishin të paligjshme u pasua shpejt nga njoftimi i tij për një taksë të re globale prej 10%, të cilën ai e rriti këtë pasdite në 15%.

Ajo është “efektive menjëherë”, tha ai.

Por si pret ai që këtë herë të shkojë ndryshe?

Ekziston legjislacion që i lejon presidentit të SHBA-së të vendosë një tarifë deri në 15% për 150 ditë – kështu që ai tani ka arritur maksimumin e lejuar, raporton Sky News.

Megjithatë, ajo mund të përballet sërish me sfida ligjore, por Trump thotë se norma e re tashmë është “e testuar ligjërisht” sipas “seksionit 122” të Aktit të Tregtisë.

Seksioni 122 i lejon presidentit të vendosë përkohësisht një “shtesë të përkohshme mbi importet” deri në 15% nëse konstaton se ka deficite “të mëdha dhe serioze” në bilancin e pagesave, për të parandaluar një zhvlerësim “të afërt” dhe “të konsiderueshëm” të dollarit amerikan në tregjet valutore.

Ai tha se kjo është përveç “të gjitha tarifave për sigurinë kombëtare sipas seksionit 232 dhe tarifave ekzistuese sipas seksionit 301”.

Këto janë të gjitha dispozitat ligjore që ai përmendi gjatë konferencës për shtyp në Shtëpinë e Bardhë dje:

Seksioni 338 i Aktit të Tarifave të vitit 1930

Seksioni 232 i Aktit për Zgjerimin e Tregtisë të vitit 196

Seksioni 201 i Aktit të Tregtisë të vitit 1974

Seksioni 301 i Aktit të Tregtisë të vitit 1974

Seksioni 122 i Aktit të Tregtisë të vitit 1974