Takimi Trump-Zelenskyy konfirmohet për në orën 13:00 në Davos

Gazeta Express

22/01/2026 9:56

Presidenti amerikan Donald Trump do të takohet sot me homologun e tij ukrainas Volodymyr Zelensky në Davos ku po mbahet Forumi Ekonomik Botëror.

Dyshja planifikon të takohet në orën 13:00 sipas orës lokale, raporton Reuters, duke cituar një zëdhënës.

Obligacionet ndërkombëtare të Ukrainës u rritën përpara takimit me shpresa të gjera se mund të bëhet përparim drejt përfundimit të luftës me Rusinë.

Gjithashtu, sot gjatë ditës, i dërguari amerikan Steve Witkoff do të takohet me Presidentin Vladimir Putin në Moskë./Express/