Takim në frymë vëllazërore: Ahmeti dhe Begaj për koordinim më të fortë shqiptar në rajon

Maqedoni

Gazeta Express

27/02/2026 10:20

Lideri i Bashkimit Demokratik për Integrim, Ali Ahmeti, ka pritur në takim Presidentin e Shqipërisë, Bajram Begaj.

Ahmeti bëri të ditur se takimi është zhvilluar në një atmosferë vëllazërore dhe tejet të përzemërt, ku është diskutuar për thellimin e bashkëpunimit ndërmjet shqiptarëve në rajon, si dhe për forcimin e lidhjeve institucionale e kombëtare.

Sipas tij, në fokus të bisedës kanë qenë edhe sfidat me të cilat përballen vendet në rrugëtimin euroatlantik, si dhe rëndësia e koordinimit të përbashkët në avancimin e çështjeve që prekin interesin kombëtar dhe shtetëror.

“Takime të tilla janë dëshmi se komunikimi dhe koordinimi i përbashkët mbetet thelbësor për avancimin e çështjeve që prekin interesin kombëtar dhe shtetëror”, ka shkruar Ahmeti.