Tabaku: Rama bëri si trim, por shkoi në Bruksel me një këmbë si Çeço

Shqiperi

Gazeta Express

23/06/2022 11:18

Nga Kuvendi deputetja demokrate Jorida Tabaku ka komentuar samitin e BE në Bruksel, ku merr pjesë edhe Shqipëria. Deputetja tha se kryeministri Edi Rama bëri sikur s’do merrte pjesë në samit, por “shkoi me një këmbë si Çeço”.

Tabaku: Bëri të fortin e lagjes duke mbledhur edhe trimat rreth e rrotull të vendeve te rajonit por megjithatë shkoi në konferencë. Ashtu siç e thashë para pak ditësh me një këmbë shkoi Rama atje në konferencë, si çeço pavarësisht se bëri të fortin e lagjes duke mbledhur edhe trimat rreth e rrotull të vendeve te rajonit

Nikolla: Kjo nuk është procedurë. Të tjerat janë komente, mbyllet fjala.

Samiti në Bruksel zgjat dy ditë dhe mes liderëve të 27 vendeve anëtare të Bashkimit Europian, do diskutohet mbi procesin e zgjerimit dhe çeljes së negociatave të anëtarësimit me Bashkimin Europian.

/Express