T7 me edicion special për gjykimin e krerëve të UÇK-së në Hagë (Live)

Lajme

Gazeta Express

03/04/2023 9:11

T7 që nga ora 09:00, ka nisur edicionin special.

Do të ketë lidhje direkte nga Haga, intervista dhe pamje të ndryshme.

Edicioni Special po mbahet për shkak të fillimit të gjykimit të ish-krerëve të UÇK-së në Hagë.

Ish-presidenti i Kosovës, Hashim Thaçi, ish-kryeparlamentarët Kadri Veseli e Jakup Krasniqi, dhe ish-deputeti Rexhep Selimi akuzohen nga Dhomat e Specializuara dhe Zyra e Prokurorit të Specializuar për krime lufte dhe krime kundër njerëzimit.

Ata janë deklaruar të pafajshëm për të gjitha pikat e akuzës.

Aktakuza e Prokurorit të Specializuar në Hagë kundër ish-krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, përmban gjithsejtë dhjetë akuza. Sipas aktakuzës, krimet e paraqitura aty janë kryer në periudhën prej marsit të vitit 1998 deri në shtator të vitit 1999, në Kosovë dhe në veri të Shqipërisë.

Krimet e supozuara përfshijnë: vrasje, torturë dhe zhdukje me forcë, dhe janë kryer në disa qytete të Kosovës dhe në disa zona të veri të Shqipërisë.