Sveçla për arrestimin e Fazliut: Përgjigje e shpejtë për të gjithë që tentojnë t’i kryejnë punët privatisht me policët

Lajme

Gazeta Express

06/06/2021 17:34

Ministri i Punëve të Brendshme, Xhelal Sveçla ka reaguar pas arrestimit të anëtarit të kryesisë së OVL e UÇK-së, Faik Fazliu.

Sveçla përmes një postimi në Facebook ka thënë se ka mbaruar koha kur zyrtarët policorë fyhen e sulmohen gjatë ushtrimit të detyrës nga siç i ka quajtur ai “të fortët”.

“Përgjigje e shpejtë dhe konform ligjit për të gjithë personat që tentojnë “t’i kryejnë punët privatisht me policët tanë”. Stop sjelljeve banditeske. Askush mbi ligjin”, ka shkruar Sveçla.