Sunak shpalli datën e zgjedhjeve të përgjithshme, deklarohet lideri i laburistëve

Lajme

Gazeta Express

22/05/2024 20:21

Lideri i laburistëve në Britaninë e Madhe, Sir Keir Starmer, ka folur për zgjedhjet e përgjithshme që do të mbahen më 4 korrik, raporton BBC.

Përmbledhje e asaj që tha Starmer:

• Starmer tha se “partia e tij do që ta kthejë Britaninë në shërbim të njerëzve që punojnë”.
• “Mundësia për ndryshime” është ajo për çka janë zgjedhjet e përgjithshme.
• Starmer insistoi që Laburistët do ta vendosnin “vendin të parin, partinë të dytën”.
• Lideri i Laburistëve e përsëriti fjalën “ndryshim” përgjatë deklarimit të tij dhe tregoi se pse Britania “nuk duhet të kthehet te konservatorët”.
• Ai nënvizoi tri tema: “të ndalet kaosi”, “koha për ndryshim” dhe “të vihet në vend ekonomia dhe politikat tona”.
• “E ardhmja e vendit është në duart e juaja”, tha Starmer. “Bashkë mund ta ndalim këtë kaos, të nisim një kapitull të ri dhe të fillojmë ta rindërtojmë Britaninë dhe ta ndryshojmë vendin tonë”.

Kryeministri aktual i Britanisë, Rishi Sunak, sot në një konferencë për media shpalli zgjedhjet e përgjithshme që do të mbahen më 4 korrik.

Sunak mori udhëheqjen e Qeverisë britanike më pak se dy vjet më parë. /GazetaExpress/