Sulmi iranian në Izrael, ambasadorja Kumbe: Zyrtarët e bllokuar dhe 10 studentë u nisën drejt Shqipërisë

Shqiperi

Gazeta Express

15/04/2024 0:09

Ambasadorja e Shqipërisë në Izrael, Meri Kumbe në një intervistë për Report TV, dha detaje lidhur me shqiptarët që ishin bllokuar në Izrael për shkak të mbylljes së aeroporteve pas sulmit iranian.

Një grup pune me zyrtarë të Ministrisë së Turizmit ndodheshin në Izrael me familjarët, ku kanë marrë pjesë në disa aktivitete.Kume bëri me dije se të gjithë janë nisur drejt Tiranës, ndërsa tashmë në Izrael ndodhen edhe dy përfaqësues të Dhomës së Tregtisë, të cilët pritet të nisen drejt vendit tonë ditën e nesërme.“Janë larguar nga vendi. Kjo javë në Izrael ka qenë e mbushur me aktivitet ndërkombëtare në kuadër të turizmi dhe teknologjisë. Dy përfaqësuesit e Dhomës së Tregtisë, janë ende në Izrael. Presin një njoftim, brenda ditës së nesërme dhe ata do të kthehen. Pjesa tjetër janë larguar. Mbyllja e aeroporteve në orët e vona të mbrëmjes së djeshme krijoi një shqetësim te ata qytetarë që do duhej të udhëtonin. Aeroporti u mbyll për rreth 7 orë. Sot ka nisur puna normalisht dhe aeroporti po kthehet në programin e zakonshëm”, tha ambasadorja Kumbe.Ata duhej të ktheheshin me linjën ajrore të orës 05:00 të mëngjesit të sotëm, por për shkak të sulmit Izraeli mbylli hapësirën ajrore, e cila tashmë ka nisur fluturimet.Ambasadorja tha se më kërkesë të prindërve edhe 10 studentë shqiptarë janë larguar nga Izraeli, ndërsa theksoi se janë në kontakt gjatë gjithë kohës me komunitetin shqiptaro-hebre.“Ka dy kategori, komuniteti shqiptaro-hebre, janë të tërë në Izrael dhe në asnjë rast nuk kanë kërkuar ndihmën tonë. Jetojnë këtu prej 30 vitesh, janë shëndoshë e mirë, jemi në kontakt me ta. Pjesa tjetër janë 10 nxënëse që janë nisur sot për në Tiranë me vendimin e prindërve. Dhe grupet e punës janë larguar, 2 persona janë aktualisht këtu”, tha Kumbe.