Studimi zbuloi të vërtetën e fshehur rreth kompanisë kineze, telefonat vjedhin të dhënat e përdoruesve

Gazeta Express

04/05/2020 8:49

Kërkuesit thonë se telefonat e krijuar nga kompania kineze Xiaomi kanë një tipar që ka mundësuar futjen në llogaritë personale të përdoruesve dhe vjedhjen e të dhënave të tyre.

Sipas një raporti nga Forbes, kërkuesit që po studionin një motor kërkimi të telefonave zbuluan që ai po mblidhte të dhëna mbi sjelljen e çdo përdoruesi, duke përfshirë kërkimet në Google, faqe të vizituara dhe çdo gjë tjetër të ruajtur në telefon.

Forbes madje raportoi se ndjekja e aktivitetit të përdoruesit vazhdonte edhe nëse ky i fundit aktivizonte gjendjen ‘incognito’.

Xiaomi nuk ka pranuar akuzat, por pretendon se të dhënat e përdoruesve janë të mbrojtura.