Ilaçet e përshkruara zakonisht për të ndihmuar njerëzit në trajtimin e presionit të lartë të gjakut janë gjetur me efekte kundër kancerit. Studiuesit thane, që ekspozimi ndaj ilaçeve mund të ndihmoj në uljen e rrezikut të zhvillimit të kancerit kolorektal, shkruan Medical Daily.
Studimi i ri, i botuar në revistën “Hypertension”, shqyrtoi efektet anësore të këtyre frenuesve të enzimës ACE dhe bllokuesit ARB. Ato janë krijuar për të menaxhuar mosfunksionet e zemrës, presionin e lartë të gjakut dhe sëmundjet e tjera të zemrës.
ACE dhe ARB punojnë duke bllokuar kimikatin e quajtur angiotensin, i cili shkakton ngushtimin e arterieve. Mjekët zakonisht ofrojnë këto ilaçe për të ndihmuar njerëzit të ulin presionin e gjakut.
Studimi i fundit bëri një hulumtim të tillë duke i analizuar të dhënat shëndetësore të 187.897 pacientëve në Hong Kong. Të gjithë këta pacientë kryejtën kolonoskopinë për të parë nëse kanë kancer të zorrëve.
Sipas shkencëtarëve rezultatet e këtij studimi ofrojnë të reja mbi një rol të mundshëm të këtyre ilaçeve në parandalimin e kancerit kolorektal.
“Ky është studimi i parë që ka treguar për efektet e mundshme të barnave kundër shtypjes së lartë, në parandalimin e kancerit të zorrëve”, tha Leung, një nga pjesëmarrësit e studimit.
Sidoqoftë, studiuesit theksuan se duhen ende më shumë studime për të verifikuar përfitimet e mundshme të ilaçeve të tensionit të lartë të gjakut mbi rrezikun e kancerit kolorektal. /Gazeta Express
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...