Studimi i fundit: Koronavirusi shkakton dëmtime neurologjike, te disa edhe sulm në tru - Gazeta Express

Shneta

Gazeta Express

03/04/2020 12:55

Studimi i fundit: Koronavirusi shkakton dëmtime neurologjike, te disa edhe sulm në tru

Shneta

Gazeta Express

03/04/2020 12:55

Koronavirusi shkakton dëmtime neurologjike te një numër i vogël pacientësh të cilët zhvillojnë pasqyrë të rëndë klinike

Infektologu grek, njëherësh edhe udhëheqës i shtabit të krizës, dr. Sotirios Tsiodras, ka paraqitur të dhëna të reja deri te të cilat ka ardhur ekipi i neurologëve nga e gjithë bota, sipas të cilave rreth 15 për qind e pacientëve, të cilët zhvillojnë simptoma të rënda, mund të pësojnë dëmtime neurologjike të shkaktuara nga sëmundja e coronavirusit, transmeton Telegrafi.

– Veç simptomave të njohura – temperatura, kolla dhe vështirësitë në frymëmarrje, disa pacientë zhvillojnë disfunksion të kapacitetit mendor, konfuzion, letargji, epilepsi, madje edhe sulm në tru – ka thënë Tsiodras në paraqitjen e vet të parë para opinionit grek.

Siç e ka shpjeguar ai, duket që virusi sulmon trurin dhe sistemin nervor madje te 15 për qind e pacientëve të sëmurë rëndë.

Është e njohur që virusi mund të përfshijë trurin dhe të shkaktojë përflakjen e tij, ndërsa problemet me thithjen e oksigjenit për shkak të frymëmarrjes së keqe mund të ndikojë në punën e trurit.

– Raste të ngjashme janë shënuar edhe te pacientët të cilët janë sëmurë nga forma e rëndë e gripit sezonal – ka përfunduar ai.