Studim shqetësues: Numri i spermatozoideve tek burrat ka rënë përgjysmë në krahasim me 50 vite më parë - Gazeta Express
string(101) "studim-shqetesues-numri-i-spermatozoideve-tek-burrat-ka-rene-pergjysme-ne-krahasim-me-50-vite-me-pare"

Studim shqetësues: Numri i spermatozoideve tek burrat ka rënë përgjysmë në krahasim me 50 vite më parë

Shneta

Gazeta Express

25/11/2022 8:15

Gjatë 50 viteve të fundit, numri i spermatozoideve njerëzore duket se ka rënë me më shumë se 50% në mbarë globin, sipas një rishikimi të përditësuar të literaturës mjekësore.

Nëse konfirmohen gjetjet dhe rënia vazhdon, mund të ketë implikime të rëndësishme për riprodhimin njerëzor. Studiuesit thonë se do të ishte gjithashtu një paralajmërues i rënies së shëndetit tek meshkujt në përgjithësi, pasi cilësia e spermës mund të jetë një shënues i rëndësishëm i shëndetit të përgjithshëm.

Lexo Edhe:

Në përgjithësi, studiuesit përcaktuan se numri i spermës ra me më shumë se 1% në vit mes periudhës 1973 – 2018. Studimi arriti në përfundimin se në nivel global, numri mesatar i spermës kishte rënë me 52% deri në vitin 2018.

Kur studiuesit e studimit e kufizuan analizën e tyre në disa vite, ata zbuluan se rënia e numrit të spermës dukej se po përshpejtohej, nga një mesatare prej 1.16% në vit pas 1973 në 2.64% në vit pas 2020.

“Është vërtet e jashtëzakonshme që rënia në fakt po rritet”, tha autori i studimit Dr. Hagai Levine, një epidemiolog dhe studiues i shëndetit publik në Shkollën e Shëndetit Publik dhe Mjekësisë Komunitare në Braun.

Në nivel popullsie, numri mesatar i spermatozoideve ra nga 104 milionë në 49 milionë për mililitër nga viti 1973 deri në vitin 2019. Numri normal i spermatozoideve konsiderohet të jetë mbi 40 milionë për mililitër.

Shkaqet e rënies janë të panjohura

Autorët e studimit thonë se nuk kishin të dhëna të mjaftueshme nga rajone të ndryshme për të qenë në gjendje të tregonin nëse disa vende kishin numër mesatar më të ulët të spermës se të tjerët ose nëse numri i spermës po binte më shpejt në zona të caktuara. Të dhënat nga 53 vende u përfshinë në rishikim.

Autorët gjithashtu nuk shikuan se çfarë mund të shkaktonte rënien.

Në kërkime të tjera, thotë Levine, ai dhe të tjerët kanë vënë në pah disa faktorë që lidhen me numërimin e ulët të spermës.

Dëmtimi i shëndetit riprodhues mund të fillojë që në mitër, raporton CNN,t ransmeton Klankosova.tv.

“Ne e dimë se stresi i nënës, pirja e duhanit nga nëna dhe veçanërisht ekspozimi ndaj kimikateve të prodhuara nga njeriu që janë në plastikë, pengojnë zhvillimin e sistemit riprodhues mashkullor”, tha Levine.

Mënyra e jetesës gjithashtu mund të luajë një rol të rëndësishëm. Obeziteti, mungesa e aktivitetit fizik dhe dietat e pasura me ushqime ultra të përpunuara mund të jenë të gjitha fajtorët, tha ai.

“Të njëjtët faktorë që dëmtojnë shëndetin në përgjithësi zakonisht janë gjithashtu të dëmshëm për cilësinë e spermës”.

Rishikimi dhe konkluzionet e tij kanë ndezur një debat mes ekspertëve të fertilitetit mashkullor. Disa thonë se gjetjet janë reale dhe urgjente, por të tjerë thonë se nuk janë të bindur nga të dhënat, sepse metodat e numërimit të spermës kanë ndryshuar aq shumë me kalimin e kohës sa që nuk është e mundur të krahasohen numrat historikë dhe modernë.

Pothuajse të gjithë ekspertët pajtohen se çështja ka nevojë për më shumë studim.