Stresi s’e ka ndërmend të dorëzohet, menaxheri i tregon vendndodhjen e reperit

Rozë

Gazeta Express

10/08/2024 14:21

Menaxheri i Arkimed Lushajt, Ardian Prenaj, ka folur për Top Channel, ndërsa artisti është shpallur në kërkim nga autoritetet e drejtësisë së Kosovë.

Menaxheri i reperit “Stresi”, Ardian Prenaj, thotë se artisti nuk mendon të dorëzohet pasi është shpallur në kërkim nga autoritet e drejtësisë në Kosovë.

Prenaj për Top Channel tha se Arkimend Lushaj, ndodhet në Shqipëri, ndërsa theksoi se arsyeja e mosdorëzimit është se ai do të pres që “furtuna” të qetësohet, dhe Prokuroria të bardhë ngjarjen.

Ai pretendon se “Stresi”, nuk ka asnjë lidhje me rrahjen që i është bërë ditë më parë Medi Isenit në një klub nate në Pejë, ku aty performonte Noizy, përcjell Klankosova.tv.

Sipas menaxherit, Iseni është rrahur nga një prej anëtarëve të grupit të Noizyt, pasi kanë pasur konflikte me njëri-tjetrin.

“Nuk është dhunuar për konfliktet që ka pasur me Noizyn, por për probleme qe kanë pasur mes të dyve”, ka deklaruar ai.

Po ashtu, ai mohon kategorikisht akuzën e bërë pak ditë më parë nga Iseni për Top Channel, kur tha se Stresi ka qenë i armatosur.