Statuja e Skënderbeut në Prizren e ngjyrosur me të verdhë ari, reagon deputeti Tritan Shehu: Vepër kriminale antishqiptare

Lajme

Gazeta Express

31/07/2025 21:16

Deputeti i PD Tritan Shehu ka reaguar pas publikimit në rrjetet sociale të pamjeve nga Prizreni ku statuja e heroit kombëtar Gjergj Kastrioti Skënderbeu u ngjyros me ngjyrë të verdhë.

Shehu e quan këtë një vepër kriminale anti-shqiptare dhe vandalizmi ndaj heroit kombëtar.

“Një provokacion i ulët ndaj historisë e vlerave sublime të kombit shqiptar.

Një veprim i verbër i atyre që këto vlera u shkaterrojnë planet ogurzeza të asgjësimit të identitetit tonë kombëtar.

Skënderbeu është figura më madhore historike e kombit tonë”, shkruan deputeti Tritan Shehu.

Më poshtë postimi i plotë

Një provokacion i ulët ndaj historisë e vlerave sublime të kombit shqiptar.

Një veprim i verbër i atyre që këto vlera u shkaterrojnë planet ogurzeza të asgjësimit të identitetit tonë kombëtar.

Skënderbeu është figura më madhore historike e kombit tonë

Është ajo figurë që bashkon shqiptarët e të gjithë trevave tona, duke na bërë krenarë për identitetin tonë, përpjekjet tona për ta ruajtur atë e pavarësinë.

Është ajo figurë që arriti të bashkojë shqiptarët në ato beteja rezistence e mbijetese ndaj një okupatori të pabarabartë.

Është ajo figurë që na kujton përkatësinë tonë europiane dhe destinacionin tonë të vetëm, Europën e Perendimin.

Prekja e saj,është e pa tolerueshme!