Specialja synon mbylljen e shqyrtimit gjyqësor për ish-krerët e UÇK-së para se të shkojnë në pushim dimëror

Lajme

Gazeta Express

02/09/2025 16:17

Gjykata Speciale e Hagës ka nxjerrë sot një vendim që ka caktuar 14 nëntorin si datën e synuar që të përmbyllin çështjen e tyre mbrojtja e Hashim Thaçit dhe Jakup Krasniqit, shkruan Express.

Ndërkohë në fund të vendimit, ka kërkuar nga palët që të përmbyllin shkresat përfundimtare të gjykimit dhe deklaratën mbi ndikimin e krimeve të pretenduara te viktimat që marrin pjesë në procedurë deri me datën 22 dhjetor 2025 para se gjykata të shkojë në pushim dimëror.

Kjo fazë mund të konsiderohet edhe përmbyllja e procedurës së provave dhe argumenteve, duke hapur rrugën për përmbylljen e shqyrtimit gjyqësor dhe më pas edhe fazën e nxjerrjes së aktgjykimit.