Speciale: Kryeministri sonte në T7, në emisionin DPT te Fidani

Gazeta Express

16/05/2020 12:15

Albin Kurti ka vendosur të flasë sonte në televizionin T7. Kryeministri do të intervistohet nga Fidan Jupolli në emisionin DPT te Fidani.

Lideri i Lëvizjes Vetëvendosjes ka vendosur të përgjigjet sonte në emisionin DPT te Fidani në televizionin T7 për punën e tij 100 ditore në krye të Qeverisë.

Kjo është hera e parë që Albin Kurti si Kryeministër vjen në televizionin T7 derisa në fushatën zgjedhore kishte ardhur dy herë.

Kurti ka mbushur 100 ditë në Qeveri ndërsa vetëm gjysmën e tyre i ka si Kryeministër ndërsa prej 5 marsit udhëheq Ekzekutivin e shkarkuar nga më shumë se 2/3 e deputetëve.

Fituesi i zgjedhjeve të 6 tetorit të vitit 2019 s’arriti të çojë deri në fund idenë e “Koalicionit të Shpresës” i ndërtuar me Partinë e Isa Mustafës.

Kurti sonte do të përgjigjet edhe për planet e tij pas vendimit të Gjykatës Kushtetuese që pritet të publikohet më së largu më 29 maj. Për protestat e mundshme, për menaxhimin e pandemisë dhe tema të tjera.

Emisioni fillon në orën 20:45.