Spanjë: Vdes pacienti i tretë nga gabimi në trajtimin e kancerit

Lajme

Gazeta Express

23/04/2026 12:14

Një pacient i tretë me kancer ka humbur jetën në Spanjë pas një gabimi serioz në Spitalin Universitar të Burgosit, në veri të vendit.

Ngjarja ka ndodhur në dhjetor, kur pesë pacientë që po trajtoheshin për kancer kanë marrë doza shumë më të larta të ilaçit sesa ishte e përshkruar. Gabimi ka ndodhur gjatë përgatitjes së barit, kur është përdorur një përqendrim i gabuar i substancës, duke bërë që të gjithë pacientët të marrin sasi të tepërta.

Si pasojë dy pacientë kanë vdekur menjëherë pas marrjes së trajtimit, pacienti i tretë ka qenë në gjendje kritike për disa muaj dhe tani ka ndërruar jetë, ndërsa dy pacientët e tjerë janë përmirësuar dhe janë liruar nga spitali.

Autoritetet spanjolle kanë hapur një hetim gjyqësor për të përcaktuar përgjegjësinë për këtë rast, i cili po trajtohet si vepër e mundshme e neglizhencës së rëndë mjekësore.

Spitali ka pranuar se incidenti ka ndodhur si pasojë e gabimit njerëzor dhe ka njoftuar se ka rishikuar protokollet e brendshme për të rritur sigurinë në përgatitjen e barnave, shkruan Euronews.