Southampton ka barazuar ndaj Brighton me rezultat 1:1, në ndeshjen e vlefshme për xhiron e 15-të në Premierligë.
Goli i parë u shënua në minutën e 29-të të ndeshjes, shkruan Gazeta Express.
Ishte sulmuesi shqiptar, Armando Broja i cili pranoi një top nga Redmond, kaloi me shumë klas mbrojtësin mysafir dhe me qetësi të plotë realizoi golin e epërsisë.
Ky ishte goli i tretë i Brojës për Southamptonin në Premierligë këtë sezon.
Goli i barazimit erdhi në fund të ndeshjes. Ishte Maupay që realizoi në minutën 90+8.
Kështu, Southampton me këtë pikë mbetet në vendin e 14-të me 16 pikë, katër më pak se Brighton i cili gjendet në vendin e nëntë. /Gazeta Express/