Sot varroset 19-vjeçari që vdiq tragjikisht në kufirin Serbi-Kroaci

Lajme

Gazeta Express

30/09/2023 11:29

Mori rrugën ilegale për në Gjermani, e pas tri ditë mos komunikim me askënd në Kosovë, familjarët e 19-vjeçarit Shqipron Muçiqi u njoftuan për vdekjen tragjike të tij në kufirin Serbi-Kroaci.

Për këtë vrasje shkaktar po dyshohet të jetë një grup emigrantësh të cilët gjatë tentimit për ta plaçkitur atë dhe shokun e tij kosovar nga Vushtrria, sulmuan me thikë 19-vjeçarin të cilin e lanë të vdekur në vendin e ngjarjes.

Familjarët e të ndjerit kanë bërë të ditur se pas kthimit të trupit në vendlindje nga morgu i qytetit të Novi Sadit, që e ndihmoi edhe Zyra Ndërlidhëse e Kosovës në Beograd, sot i jepet lamtumira e fundit Shqipronit në orën 14:00 në varrezat e fshatit Llapashticë e Epërme të Podujevës.