Sot 34 vite nga masakra e 2 prillit, Basha: Liri e fituar me sakrifica

Shqiperi

Gazeta Express

02/04/2025 17:02

Shkodra përkujtoi sot 34-vjetorin e masakrës së 2 prillit 1991, një ngjarje e rëndë që tronditi qytetin dhe Shqipërinë e asaj kohe. Gjatë protestës kundër zgjedhjeve të para pluraliste, katër qytetarë të pafajshëm – Arben Broci, Bujar Bishanaku, Nazmi Kryeziu dhe Besnik Ceka – humbën jetën, ndërsa dhjetëra të tjerë u plagosën. Protesta e 2 prillit, që shënoi edhe fundin e kundërshtimit të dhunshëm ndaj regjimit komunist, është e njohur si protestat e fundit të këtij lloji në Shqipëri.

Në përkujtimin e këtyre martirëve të demokracisë, u zhvilluan homazhe pranë memorialit të katër dëshmorëve, ku morën pjesë kryetari i PD, Sali Berisha, familjarë të viktimave dhe qytetarë të Shkodrës. Gjatë fjalës së tij, Berisha tha: “Martirët e 2 prillit janë frymëzim i madh për çdo qytetar të sakrifikojë për lirinë dhe votën e saj.”

Berisha bëri apel për bashkim rreth Partisë Demokratike: “Ne nderojmë sot këtë ditë para një ngjarje që do të ndajë epokat. Përsëri ne nderojmë veprën dhe sakrificën e tyre sublime në një diktaturë që nuk bazohet më në ideologjinë e ish-komitetit të partisë, por në ideologjinë e Dobraçit, të krimit, të terrorit. Dhe kjo është një diktaturë po aq e shëmtuar sa e para”, tha ai.

Gjatë konferencës për mediat, kryetari i PD-së komentoi gjithashtu edhe çështjen e kandidatit të PD-së, Bardh Spahia, që është marrë si i pandehur nga SPAK. “Bardh Spahia shkon në SPAK sepse ka zbatuar ligjin dhe ka mbrojtur kodin e një zyrtari që nuk mund të pranojë delinkuentë në administratë”, përfundoi Berisha.