Sorensen takohet me kryediplomaten finlandeze, thotë se diskutuan në “detaje” për dialogun Kosovë-Serbi

Lajme

Gazeta Express

07/11/2025 14:13

Emisari i BE-së për dialogun Kosovë-Serbi, Peter Sorensen, është takuar dje me ministren e Jashtme të Finlandës, Elina Valtonen, në Helsinki ku tha se qëndroi për një vizitë pune.

Sorensen tha se me kryediplomaten finlandeze ka diskutuar “në detaje” mbi procesin që e lehtëson BE-ja, ndërsa e falënderoi atë për mbështetjen dhe interesimin.

“Vizitë pune shumë e mirë në Helsinki, e organizuar sot nga Ministria e Jashtme e Finlandës. Diskutuam në detaje dialogun e lehtësuar nga BE-ja. Jam mirënjohës për interesimin dhe mbështetjen e ofruar për procesin e normalizimit”, shkroi Sorensen në X.

Very good working visit to Helsinki 🇫🇮 organized by @Ulkoministerio today. We discussed the EU-facilitated Dialogue in detail. Grateful for the interest and support offered to the normalisation process. pic.twitter.com/5O9L66LQs3

— EUSR for Belgrade-Pristina Dialogue (@EUSR_Dialogue) November 6, 2025

Vizita e Sorensen në Finlandë e pason atë në Beograd ku u takua me presidentin e Serbisë, Aleksandar Vuçiq.

Ky i fundit pretendoi se Serbia do të jetë e angazhuar ndaj dialogut të udhëhequr nga Brukseli, ndërsa emisarit europian i kërkoi zbatimin e Asociacionit të komunave me shumicë serbe./Express/