Sofia Vergara zbulon arsyen e divorcit nga Joe Manganiello

Rozë

Gazeta Express

23/01/2024 10:36

Aktorja latine, Sofia Vergara, ka dhënë më shumë detaje rreth divorcit të saj nga Joe Manganiello.

Në një intervistë të re me gazetën spanjolle El Pais, 51-vjeçarja, tha e ata nuk ishin të të njëjtit medim kur bëhej fjalë për zgjerimin e familjes së tyre.

Ajo tha se qëndrimet e ndryshme përfundimisht çuan në divorcin e tyre, i cili u konfirmua nga PEOPLE në korrik.

“Martesa ime u prish sepse burri im ishte më i ri, ai donte të kishte fëmijë dhe unë nuk doja të isha një nënë e vjetër”, shpjegoi ylli i Griselda.

“Mendoj se nuk është e drejtë për fëmijën. Unë e respektoj këdo që e bën këtë, por kjo nuk është më për mua”.

Vergara, e cila ndan djalin Manolo me ish-burrin Joe Gonzalez, vazhdoi: “Unë pata një djalë në moshën 19 vjeç, i cili tani është 32 vjeç dhe jam gati të bëhem gjyshe, jo nënë. Kështu që, nëse dashuria vjen, ai duhet të vijë me fëmijët [e tij]”.

“Unë jam pothuajse në menopauzë, kjo është mënyra e natyrshme e gjërave,” shtoi ajo, shkruan People, transmeton Klankosova.tv.