Rapid Bukureshti është njoftuar me humbjen e parë për këtë vit në Liga 1, pas pesë fitoreve radhazi.
Rapidi pësoi sonte në udhëtim ndaj Poli Iasi, në ndeshjen e vlefshme për javën e 27-të, shkruan Gazeta Express.
Përballja e luajtur në stadiumin “Emil Alexandrescu” përfundoi me rezultatin 3:1.
Për mysafirët gol shënoi Ermal Krasniqi (52′), por që nuk mjaftoi pë sonte. Për reprezentuesin e Kosovës ishte ky goli i tretë në elitën rumune.
Krasniqi sonte luajti për 78 minuta, kurse Albion Rrahmani kompletoi një tjetër ndeshje të plotë.
Kosovari tjetër, Florent Hasani, u aktivizua nga minuta e 78-të.
Rapidi mbetet me 48 pikë dhe renditet i treti në tabelë, aq sa ka edhe Cluji si i dyti.
FCSB prin me 56 pikë dhe tani me një ndeshje më pak.
Poli Iasi me 30 pikë ndodhet në pozitën e 13-të. /Gazeta Express/