Skenaret e VV, Deputeti i PDK-së: Praktikat e kaluara parlamentare janë votimi i hapur – Kërkojmë të kthehet skenari numër 1

Lajme

Gazeta Express

02/07/2025 21:17

Deputeti i PDK’së, Artan Behrami ka kërkuar që kryesuesi i Kuvendit, Avni Dehari t’i kthehet skenarit nr 1, sic e quan ai, i cili është i bazuar në rregulloren e Kuvendit, dhe jo votimit të fshehtë.

Behrami në emisionin Pressing në T7 tha se praktikat e kaluara parlamentare janë votim i hapur, e jo i fshehtë.

“Skenari nr 1 i cili është votu dhe është brenda kushtetutës, dhe ne kërkojmë që ky të kthehet. Kur Haxhiu për të disatën herë nuk i mori votat, VV’ja e merr skenarin e VV, ia vendos stemën e Kosovës, është mirë këtë me fshi edhe me ja vendos skemën e VV, dhe mbi këtë skenar ata mundohen që të imponojnë një votim antikushtetues, sepse aktgjykimi e thotë ashtu”, tha Behrami.