“S’ka shansë me dalë komunikata e mos me e pa kryetari i Kuvendit – Ky se kish pas pa as atë punimin e vetë”, Latifi për tollovinë pas zgjedhjes së Bashës

Lajme

Gazeta Express

01/09/2025 21:47

Kryetari i Kuvendit të Kosovës, Dimal Basha në një konferencë për media tha se stafi i tij, ka bërë një lëshim teknik, derisa komunikata për media u lëshua pa miratim të tij në lidhje me takimin me presidenten Vjosa Osmani.

Por, Blerim Latifi ka thënë në “Pressing”, se nuk ka shansa një gjë e tillë të jetë e vërtetë.

Ai ka thënë se asgjë nuk lëshohet pa e parë kryetari i Kuvendit.

“Sa i përket komunikatës, nuk ka shansë me dalë një komunikatë nga zyra e kryetarit të Kuvendit pa e pa”, ka thënë Latifi.

Me pas me Dimal Bashën ka ironizuar gazetari Dukagjin Gorani.

“Ky nuk e kish pas pa as punimin e vetë”, ka thënë Gorani. /Gazeta Express