“S’ka ndeshje, s’ka pagë. Shpresoj të keni kursyer” – Reagojnë yjet e NBA

Gazeta Express

12/03/2020 10:01

Basketbollistët e NBA kanë reaguar në llogaritë e tyre në rrjete sociale ndaj lajmit se liga është suspenduar për një kohë të pacaktuar shkaku i koronavirusit, virus ky që e ka prekur edhe yllin e Utah Jazz, Rudy Gobertin.

Përderisa CJ McCollum i Portland Trail Blazer shpresoi se lojtarët do të kenë kursyer para, pasi që tha se pa zhvillimin e ndeshjeve, s’do të ketë as paga, përderisa LeBron James e Stephen Curry u ankuan për fillimin e keq të vitit.

Përderisa në fillim të këtij viti kalendarik bota filloi të shqetësohet për mundësinë e një Lufte të Tretë Botërore shkaku i tensionimit të situatës mes SHBA-së dhe Iranit, basketbollistët e përjetuan rëndë edhe vdekjen e Kobe Bryant, i cili vdiq pasi u rrëzua helikopteri me të cilën po udhëtonte bashkë me vajzën e tij 13-vjeçare Gianna dhe shtatë persona të tjerë.

Tani, bota është tronditur sërish, këtë herë nga përhapja e virusit COVID-19, që të mërkurën u shpall pandemi nga Organizata Botërore e Shëndetësisë. Ky virus i ka lënë të vdekur deri më tani mbi 4600 njerëz, ndërsa mbi 126 mijë janë prekur, ndërkohë që evente të ndryshme sportive janë suspenduar, ndër to edhe ndeshjet e NBA.

“2020-ta nuk është vit i mbarë. Nuk e di se me çka mund ta krahasoj këtë situatë… thesht duhet të forcohemi dhe të kujdesemi për veten dhe për ata përreth nesh. Basketbolli do të kthehet dikur, por tani mbrojeni veten dhe qëndroni të sigurt”, shkroi Stephen Curry.

2020 aint it. Don't know what to compare this situation to…just gotta buckle up and take care of yourself and those around you. Basketball will be back at some point but right now, protect yourself and stay safe out there!

— Stephen Curry (@StephenCurry30) March 12, 2020

“Njeri, ne po i anulojmë eventet sportive, shkollat, punën në zyra, etj, etj. Por, duhet ta anulojmë vitin 2020. Dreqin, kanë qenë tre muaj të vështirë. Zoti ju bekoftë dhe rrini të sigurt”, shkroi LeBron James.

Man we cancelling sporting events, school, office work, etc etc. What we really need to cancel is 2020! ??‍♂️. Damn it’s been a rough 3 months. God bless and stay safe??

— LeBron James (@KingJames) March 12, 2020

“Viti 2020 është një vit shumë i keq. Qëndroni të sigurt njerëz”, shkroi Luka Doncic.

2020 is being very bad year!! stay safe folks?

— Luka Doncic (@luka7doncic) March 12, 2020

“Njerëz… Kjo është çmenduri.. Po lutem për të gjithë në këtë moment të vështirë”, shkroi Trae Young.

Man… This stuff crazy… Praying for EVERYBODY in this tough time??

— Trae Young (@TheTraeYoung) March 12, 2020

“S’ka ndeshje, s’ka paga. Shpresoj që të kenë kursyer të gjithë mirë”, shkroi CJ McCollum, në përgjigje ndaj Lou Williams, i cili kërkoi të merren masa ndaj koronavirusit.

No games no pay ? hope everybody saved properly https://t.co/mxrdpvNalf

— CJ McCollum (@CJMcCollum) March 12, 2020

“Shpresoj që të gjithë lojtarët të marrin kohë për të punuar në jetën jashtë basketbollit. Përdorini burimet dhe famën tuaj si epërsi. Shkoni në takime. Diversifikohuni dhe mësoni të eksploroni burime të tjera për përfitime përderisa jeni ende në ligë. Sepse kur të marrë fund, do të jetë fundi”, shtoi McCollum. /Gazeta Express/

I hope all the players take some time to really work on life outside of basketball . Using your resources and celebrity to your advantage . Take the meetings. Diversify and learn to explore other avenues of income while you’re still in the league. Bc when it’s over it’s over !

— CJ McCollum (@CJMcCollum) March 12, 2020