Situatë alarmante, Klitschko: 5 eksplodime brenda 3-5 minutash në Kiev, na janë afruar rusët

Sport

Gazeta Express

26/02/2022 0:10

Vitali Klitschko është paraqitur përsëri nga Kievi.

Ish-kampioni i botës në boksin profesionist përmes një postimi në rrjetet sociale tregon se rusët janë afruar në kryeqytetin ukrainas.

Luftimet në Ukrainë po vazhdon pasi Rusia e sulmoi ushtarakisht shtetin fqinj.

Dhe, rusët kanë marrë territor dhe janë afër cakut të tyre – Kievit, shkruan “Gazeta Express”.

Atje, kryebashkiaku Klitschko, së bashku me vëllanë e tij dhe me luftëtarët ukrainas, po mundohen t’ju bëjnë rezistencë rusëve.

Sonte, Kievin e pret një natë e gjatë dhe jashtëzakonisht e vështirë.

“5 eksplodime janë dëgjuar në një interval prej 3-5 minutash afër CHP-6. Shërbimet emergjente janë aty. Le të presim për detaje të tjera”, ka shkruar Klitschko në “Twitter”.

5 вибухів сталися з інтервалом в 3-5 хвилин біля ТЕЦ-6. Аварійно-рятувальні служби слідують туди. З’ясовуємо деталі.

— Віталій Кличко (@Vitaliy_Klychko) February 25, 2022

“Rusët i kemi shumë afër, sonte na pret një natë e vështirë, por edhe mëngjesi po ashtu. Ne do të mundohemi të mbrohemi me të gjitha forcat”, tha paraprakisht sonte ish-kampioni i botës.

Në pamjet e para disa orëve shihet edhe popullata në Ukrainë duke u armatosur për t’ju kundërvënë agresorit rus, i cili po planifikon që brenda pak ditësh ta pushtojë krejt Ukrainën. /Gazeta Express/