“Siguria dhe mbrojtja duhet të jenë prioritete, me qëllimin që ta antarësojmë Kosovën në NATO”, Enver Hoxhaj: E shoh Trumpin si mundësi të artë

Lajme

Gazeta Express

10/12/2025 21:26

Enver Hoxhaj nga Partia Demokratike e Kosovës (PDK), ka thënë se Kosova duhet të ketë prioritet sigurinë dhe mbrojtjen.

Ai ka thënë se duhet të rritet numri i ushtarëve në FSK-,armatimit dhe trajnimeve.

Kjo me qëllim që Kosova të bëhet pjesë e NATO-s, dhe për këtë Hoxhaj e sheh presidentin amerikan Donald Trump si një mundësi të artë.

“Siguria dhe mbrojtja duhet të jetë prioriteti i parë para politikës së jashtme, dhe unë jam për atë që ne duhet ta rimendojmë politikën e jashtme, duhet të ketë rritje të kapacitetit të FSK-së, qoftë për nga numri, qoftë për nga armatimi e trajnimi, por me një qëllim që ta anëtarësojmë Kosovën në NATO, dhe Turmpin e shoh si mundësi të artë”, ka thënë ai. /Gazeta Express