Si të jetoni më gjatë: Pijeni këtë çaj tri herë në javë rregullisht

Gazeta Express

13/02/2020 22:21

Sipas një studimi të ri, pirja e çajit të paktën tre herë në javë mund të zvogëlojë rrezikun e vdekjes nga sëmundjet kardiovaskulare dhe është e lidhur me një jetë më të gjatë dhe më të shëndetshme.

Studiuesit kinezë zbuluan se përfitimet shëndetësore të lidhura me çajin, në veçanti çajin e gjelbër (në krahasim me çajin e zi), ishin më të theksuara tek ata që pinin rregullisht çaj për një periudhë më të gjatë kohore.

Studiuesit shikuan të dhënat nga 100.902 njerëz që nuk kanë histori sulmi në zemër, goditje në tru apo kancer dhe i ndanë në dy grupe: ata që e pinin rregullisht, ata që e konsumonin jo shpesh dhe ata që nuk e konsumonin.

Analizat e tyre zbuluan se pirësit e rregullt të çajit kishin një rrezik 20% më të ulët të prekeshin nga sëmundjet e zemrës dhe goditjet në tru, dhe një rrezik prej 22% më të ulët të vdekjes nga sëmundjet e zemrës dhe goditja në tru.

Në analizën e tyre, studiuesit bënë një përjashtim për ata persona që bëjnë aktivitet fizik apo i mbahen një diete, por gjithashtu edhe për konsumatorët e alkoolit dhe duhanit.