Si Sir Alex Ferguson e injoroi legjendën e Liverpool-it për më shumë se 20 vite pasi u ofendua nga një shaka e pahijshme

Futboll

Gazeta Express

20/01/2025 16:59

Sir Alex Ferguson kaloi pranë legjendës së Liverpool-it, Gary McAllister, në aeroporte dhe hotele për më shumë se dy dekada, pasi ish-trajneri i Manchester United dëgjoi një shaka të pahijshme që u bë në kurriz të tij.

Incidenti i sikletshëm ndodhi drejt fundit të sezonit 1991/92, kur mesfushori i atëhershëm i Leeds United, McAllister, shkoi në shtëpinë e Lee Chapman për të ndjekur një ndeshje mes Liverpool-it dhe Manchester United-it.

Në atë kohë, Leeds ishte pranë sigurimit të titullit të Divizionit të Parë pas fitores ndaj rivalëve të Yorkshire, Sheffield United, por duhej që United të humbiste pikë ndaj Liverpool-it që kjo të ndodhte.

McAllister u bashkua me shokët e skuadrës, Eric Cantona dhe David Batty, si dhe me një ekip të madh televiziv në shtëpinë e Chapman përpara ngjarjes së madhe.

Pak më vonë, Manchester United humbi ndeshjen 2-0, por siç tregoi McAllister në një intervistë në vitin 2017 për Sport & Fitness Middle East, festimet pas ndeshjes u bënë të sikletshme.

“Të gjithë shkuam në shtëpinë e Chappy-t pas ndeshjes në Sheffield për të ndjekur Manchester United kundër Liverpool-it në Anfield,” filloi McAllister.

“Sepse kisha bërë disa punë televizive, isha lidhur me drejtorin në Anfield, kështu që mund të dëgjoja komentet e tij. Ai fliste me prezantuesin, kameramanët. Mund të dëgjoja gjithçka që po ndodhte në studio”.

“Liverpool fitoi 2-0 dhe Leeds United fitoi titullin, në u dehëm. Pas ndeshjes, po shikonim intervistat dhe në vesh po dëgjoja drejtorin që thoshte: ‘Shkoni te tuneli, kemi Fergie-n”.

“Milisekonda më pas, ai shfaqet në TV. Fytyra e tij është e kuqe flakë. Fjalët e tij të para, siç mund ta prisni, ishin: ‘Dua ta bëj të qartë, Leeds nuk e ka fituar titullin. Manchester United e ka humbur atë! Po e them qartë!”.

“Hunda e tij shumë e kuqe, thotë: ‘Mos gaboni, Leeds nuk e ka fituar titullin! Manchester United e ka humbur atë!”.

“Shkurtimisht, në dhomën e Lee Chapman, them: ‘Fytyrë e madhe e kuqe, po aq fisnik në humbje sa gjithmonë”.

“Pastaj Dennis Law më thotë në vesh: ‘Gary, Fergie mund të të dëgjojë.’

“Alex Ferguson ka kaluar pranë meje në aeroporte të Lituanisë dhe hotele në Shqipëri për 20 vite dhe nuk më ka hedhur asnjë shikim”!

Në vitin 2006, ajo zënkë u zgjidh kur Ferguson kontaktoi McAllister pas vdekjes tragjike të gruas së tij, Denise.

 “Kjo është madhështia e këtij njeriu. Kur je duke konkurruar kundër tij, je armik, por kur kalova këtë përvojë tragjike me kancerin, kush ishte personi i parë që më telefonoi? Alex Ferguson”, tha McAllister.  

“Ai ishte i pari që bëri një telefonatë. Më ftoi në fushën stërvitore në Carrington. Tha: ‘Mund të vish çdo ditë në stërvitje. Mund të vish në Old Trafford për çdo ndeshje”.

“Karta e parë e meshës që mora në postë ishte nga gruaja e tij. E sheh këtë figurë, kur po konkurron kundër tij, ai do të bëjë gjithçka për të të mundur”.

“Por ekziston një anë e butë te Alex Ferguson dhe kjo është diçka që e mësova më vonë. Për 20 vite, nuk ekzistova!”. /GazetaExpress/