Si po ndikojnë rrjetet sociale në vendimet tona të blerjes

Foleja.com

Foleja.com

04/02/2026 9:13

Nuk blejmë ma si dikur. Sot, para se me nxjerr kartelën nga xhepi, ne nxjerrim telefonin. Një scroll i shpejtë në Instagram, një video në TikTok, një review në Facebook – dhe vendimi për blerje shpesh merret pa e kuptu fare. Rrjetet sociale janë shndërru në “shitoret” më të mëdha digjitale, ku çdo postim, story apo video ka potencialin me na bindë: “Edhe unë e du këtë produkt.”

Nga reklama klasike te ndikimi emocional

Ndryshe nga reklamat tradicionale, rrjetet sociale nuk na flasin drejtpërdrejt si shitës. Ato na flasin si shokë. Një influencer që po e përdor një produkt në jetën e përditshme, një video “para & pas”, ose një koment real nga dikush që e ka ble tashmë – këto krijojnë besim. Dhe besimi është çelësi kryesor i çdo blerjeje.

Sot nuk po blejmë veç produktin, po blejmë edhe ndjesinë që ai na jep. Nëse duket praktik, i bukur, “trendy” dhe i përshtatshëm për stilin tonë të jetës, shanset janë të mëdha që ta blejmë – edhe pa pasur nevojë urgjente për të.

Fuqia e influencerëve dhe content-it real

Influencerët janë bërë ura lidhëse mes brendeve dhe konsumatorëve. Jo pse janë të famshëm, por pse duken të afërt. Një rekomandim nga dikush që e ndjekim çdo ditë ka më shumë peshë se një reklamë e shtrenjtë televizive. Sidomos kur përmbajtja është autentike, pa shumë filtra dhe e treguar “siç është”.

Video të shkurta, testime reale, komente të sinqerta – këto po ndikojnë drejtpërdrejt në mënyrën si vendosim çka me ble dhe prej kujt.

Vendimi merret më shpejt se kurrë

Një tjetër ndikim i madh i rrjeteve sociale është shpejtësia. Sot vendimi për blerje merret për disa minuta. Një ofertë e limituar, një link direkt për porosi, një “swipe up” – dhe procesi mbyllet. Sa më i thjeshtë rrugëtimi nga postimi te blerja, aq më i madh ndikimi.

Rrjetet sociale si burim informacioni

Për shumë prej nesh, rrjetet sociale janë bërë burimi kryesor i informimit për produkte të reja. Aty mësojmë çka është në trend, çka po përdoret më së shumti dhe çka po rekomandohet. Komentet, pëlqimet dhe shpërndarjet veprojnë si një formë vlerësimi publik që ndikon drejtpërdrejt në zgjedhjen tonë.

Rrjetet sociale nuk janë më vetëm për argëtim. Ato janë bërë pjesë e procesit tonë të blerjes, nga ideja e parë deri te vendimi final. Sot blejmë atë që na shfaqet shpesh, atë që na duket reale dhe atë që na bën me u ndje mirë. Dhe pikërisht këtu qëndron fuqia e tyre: ndikimi i padukshëm, por shumë i fortë, në çdo klik, scroll dhe like.