Shukri Buja viziton Rubofcin: Më gëzon shumë pjesëmarrja aktive e grave dhe të rinjve – Fitorja është e jona

Lajme

Gazeta Express

30/08/2025 22:58

Shukri Buja, kandidat i Partisë Demokratike të Kosovës për kryetar të Lipjanit, ka njoftuar se ka zhvilluar vizitë në Rubofc. Buja ka njoftuar se me banorët e këtij fshati kanë diskutuar për sfidat me të cilat përballen ata.

Buja ka treguar edhe se ajo që e gëzon atë më së shumti është pjesëmarrja aktive e grave dhe të rinjve në këtë bashkëbisedim.

‘‘Mirëmbrëma nga Rubofci!

Ditën e sotme e përmbyllëm me kafen e mbrëmjes në Rubofc, së bashku me banorët e këtij fshati mikpritës. Në shoqëri të Agronit, kandidatit tonë për Kuvend Komunal, bashkëbiseduam hapur për sfidat me të cilat përballen banorët e Rubofcit

dhe Kojskës, si dhe për rolin që komuna ka në tejkalimin e tyre.

Ajo që më gëzon më së shumti është pjesëmarrja aktive e grave dhe të rinjve në këtë bashkëbisedim, të cilët po tregojnë vendosmërinë për të qenë pjesë e ndryshimeve pozitive në komunën tonë.

Fitorja është e jona!”, ka shkruar ai.