Shtyhet sërish seanca për dosjen “Partizani”

Shqiperi

Gazeta Express

11/04/2025 11:16

Seanca për dosjen “Partizani” është shtyrë sërish, këtë herë për mungesën e avokatit të të pandehurit Xhimi Begeja. Seanca e ardhshme do të zhvillohet më 15 prill në orën 14:00. Kjo është hera e dytë që gjyqi shtyhet, pasi edhe herën e kaluar u shty për arsye shëndetësore të një prej avokatëve.

Në këtë dosje, ish-kryeministri Sali Berisha akuzohet për korrupsion pasiv, ndërsa dhëndri i tij Jamarbër Malltezi dhe biznesmeni Fatmir Bektashi për korrupsion dhe pastrim parash. Xhimi Begeja dhe Andia Pustina akuzohen vetëm për pastrim parash.