Shtyhet seanca paraprake në GJKKO për Erion Veliajn, shkak bojkoti i avokatëve pas vrasjes së gjyqtarit Astrit Kalaja

Shqiperi

Gazeta Express

10/10/2025 10:44

Është shtyrë për më 21 tetor seanca paraprake ndaj kryebashkiakut të Tiranës, Erion Veliaj, për shkak të bojkotit të avokatëve pas ngjarjes së rëndë ku u vra gjyqtari Astrit Kalaja në ambientet e Gjykatës së Apelit në Tiranë.

Seanca e radhës do të mbahet më 21 tetor në orën 09:00, kur do të  vendoset nëse do të kalojë për gjykim ose jo dosja e Veliajt.

Kujtojmë se Veliaj është arrestuar që në shkurt, u shkarkua më 25 shtator për mungesë në detyrë për më shumë se 3 muaj, por ka ankimuar vendimin në Gjykatë Kushtetuese duke vllokuar përkohësisht zgjedhjet e reja që u dekretuan nga presidenti Bajram Begaj më 9 nëntor.