Shtrime të reja në spital, ja si është situata tek Infektivi. Tetë pacientë në terapi intensive - Gazeta Express

Shtrime të reja në spital, ja si është situata tek Infektivi. Tetë pacientë në terapi intensive

Shqiperi

Gazeta Express

04/07/2020 10:59

Vijon të ketë shtrime të reja në Spitalin Infektiv, ku në 24 orët e fundit, kanë rezultuar pozitivë me koronavirus 67 raste.

Sipas ministrisë së Shëndetësisë, aktualisht në spitalin Infektiv po trajtohen 88 pacientë.

Tetë prej tyre janë në terapi intensive, ndërsa 1 është i intubuar.

“Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore.
Kur është e mundur të lejojnë punonjësit të punojnë nga shtëpia për të minimizuar kontaktin mes tyre dhe përhapjen e infeksionit.

Ministria e Shëndetësisë dhe Mbrojtjes Sociale apelon për qytetarët që të jenë të kujdesshëm në zbatimin e masave të vendosura.

Ruani distancën fizike, lani shpesh duart, përdorni maska ose barriera mbrojtëse në ambiente publike apo kudo ku nuk është e mundur të ruhet distanca, dezinfektoni objektet dhe ajrosni ambientet ku qëndroni.

Virusi është ende mes nesh, dhe ne mund ta mposhtim atë vetëm nëse ndryshojmë sjelljen tonë të përditshme duke respektuar rregullat e vendosura. Suksesi do të varet nga sjellja individuale e çdo qytetari.

Në rast se dyshoni se jeni i prekur nga Covid19 apo keni patur kontakte me persona të prekur, izolohuni. Në rast se keni shenja të sëmundjes, telefononi në numrin e Urgjencës Kombëtare, 127.

Telefononi në linjën e gjelbër 0800 40 40 për këshillim psikologjik apo çdo informacion për Covid19″, tha Mirela Cami, Drejtore e Operatorit të Shërbimeve të Kujdesit Shëndetësor.