Shtimi gabimisht i gazetarit në grup, Hegseth: Askush nuk shkroi për planet e luftës

Lajme

Gazeta Express

25/03/2025 11:27

Shtëpia e Bardhë ka konfirmuar se një gazetar u shtua pa dashje në një bisedë grupore ku zyrtarë të lartë amerikanë diskutuan planet për një sulm kundër grupit rebel Houthi.

Kryeredaktori i Atlantic, Jeffrey Goldberg, thotë se ai mori një ftesë në aplikacionin e koduar të mesazheve Signal nga një llogari e Këshilltarit të Sigurisë Kombëtare të Shtëpisë së Bardhë, Michael Waltz.

Sekretari i Mbrojtjes Pete Hegseth u pyet nga gazetarët në Haëai për mesazhet e publikuara në artikullin e The Atlantic, shkruan BCC, transmeton Gazeta Express.

Në shumicën e kohës, ai shmangi pyetjet e gazetarëve, duke thënë se Goldberg nuk ishte një gazetar serioz dhe pretenduar se ai “shet mbeturina”.

“Pra, ju po flisni për një gazetar mashtrues dhe shumë të diskredituar, të ashtuquajtur gazetar”. pretendoi ai.

Ai më pas vlerësoi operacionin ushtarak, duke thënë: “Ne përfundimisht do t’i shkatërrojmë Houthit”.

I shtypur sërish për bisedën në grup, Hegseth tha: “Askush nuk po shkruante mesazhe për planet e luftës dhe kjo është gjithçka që duhet të them për këtë”, tha ai.