Në Komunën e Ferizajt sot janë paraqitur edhe 21 raste të reja me koronavirus.
Ndër të infektuarit janë edhe drejtori i Shëndetësisë në këtë komunë, Bekim Ademi.
Këtë lajm e ka konfirmuar vet drejtori Ademi e cili ka njoftuar edhe për një numër tjerë zyrtarësh komunal që janë infektuar me koronavirus.
“Infektimi im ka ardhur si pasojë e kontakteve që kemi pasur me kolegun e infektuar para dy ditësh. Janë infektuar edhe një pjesë e stafit të kryetarit Aliu, drejtori i Financave, Administratës, Zëdhënësi i Komunës, Nënkryetari i Komunës, Drejtori i Pronës ai i Zhvillimit Ekonomik. Që të gjithë jemi pozitiv me COVID-19”, tha ai për RTV Dukagjinin.
Ademi thotë se ditën e premte është konfirmuar pozitiv me COVID-19 drejtori i Infrastrukturës dhe që nga ajo dite drejtorët tjerë kanë qenë në vet izolim deri në dalje të rezultateve.
Drejtori i Shëndetësisë thotë se për momentin nuk ka simptoma tjera pos një djersitje të tepërt.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...