Shqiptari me rekord kriminal fiton të drejtën për të qëndruar në Britani

Shqiperi

Gazeta Express

30/06/2025 13:09

Zenel Beshi, një shqiptar me 50 dënime, ka fituar të drejtën të qëndrojë në Mbretërinë e Bashkuar, pavarësisht kërkesës për deportim nga Ministria e Brendshme britanike. Beshi ka një rekord kriminal të rëndë, përfshirë 6 vite burg në Itali për krime të ndryshme.

Megjithatë, gjyqtarja e Gjykatës së Lartë të Imigracionit, Leonie Hirst, vendosi që krimet e tij nuk ishin të mjaftueshme për ta deportuar, duke theksuar se ato nuk ishin “jashtëzakonisht të rënda”. Ky vendim ka shkaktuar reagime të ashpra, përfshirë kritikën e Chris Philp, sekretarit të opozitës për çështjet e brendshme, i cili e quajti atë “të larguar nga realiteti” dhe kërkoi ndryshimin e politikave.