Shqiptari i vë flakën shtëpisë dhe mbyllet brenda, sulmon me grushte karabinierët

Shqiperi

Gazeta Express

06/07/2022 11:04

Një ngjarje e rëndë ka ndodhur në Itali ku një shqiptar u mbyll në shtëpi, i vuri flakën banesës dhe kur karabinierët mbërritën u hodh mbi ta me shqelma dhe grushte.

Ndërkohë ushtarët e Stacionit Biassono (Monza dhe Brianza) arrestuan në flagrancë 33-vjeçarin me akuzën e zjarrit, dhunës dhe rezistencës ndaj një zyrtari publik.

Ditën e djeshme banorët e një godine në Macherio kishin lajmëruar Qendrën Operative të Kompanisë Monza se po ndjenin një erë të fortë tymi që vinte nga një apartament.

Patrullat e policisë shkuan në vendin e ngjarjes dhe gjetën derën e mbyllur. Shqiptari bërtiste se i kishte vënë flakën banesës me benzinë dhe donte t’i vriste të gjithë.

Kur u bind ta hapte derën, ai rezistoi duke sulmuar karabinierët që arritën ta bllokonin.

Zjarrfikësja arriti të shuante zjarrin para se të përhapej në shtëpitë e tjera dhe të evakuonte banorët e 20 familjeve.

Flakët shkatërruan plotësisht banesën e shqiptarit. Dy karabinierë u transportuan në spitalin San Gerardo në Monza për shkak të tymit që thithnin.

Autoriteti Gjyqësor ka vërtetuar arrestimin.

/Express