Shqipëria, vendi i nderit në ITB Berlin, Rama: Turizëm natyror nga Alpet deri në rivierën e jugut

Shqiperi

Gazeta Express

13/09/2024 20:52

Kryeministri Edi Rama ndau sot shkrimin e medias zyrtare, të panairit ndërkombëtar të turizmit “ITB-Berlin 2025”, e cila i dedikon një artikull, zbulimit të mundësive që ofron Shqipëria për zhvillimin e turizmit natyror.

Ndërkohë, Shqipëria do të jetë vendi i nderit në panairin ndërkombëtar të turizmit “ITB-Berlin 2025”.

Në këtë ngjarje prestigjioze, Shqipëria do të prezantojë peizazhet mbresëlënëse dhe mundësitë e shumta për turizëm natyror. Teksa pjesëmarrësit nga e gjithë bota, do të kenë mundësinë të eksplorojnë aktivitetet emocionuese si hiking, rafting, parashutizëm, vrojtimin e shpendëve dhe shumë të tjera.

“Media zyrtare e ITB Berlin, panairit më të rëndësishëm në botë për turizmin, ku Shqipëria do të jetë “Host Country” për edicionin e vitit 2025 zbulon mundësitë për të zhvilluar turizëm natyror nën peizazhet e mrekullueshme që nga Alpet e deri në rivierën e jugut”, tha Rama.