Shqipëria jashtë listës së re të vizave me garanci nga SHBA

Shqiperi

Gazeta Express

06/08/2025 17:01

Shqipëria nuk përfshihet në projektin pilot të Departamentit Amerikan të Shtetit që parashikon garanci financiare deri në 15 mijë dollarë për marrjen e vizave turistike dhe biznesi. Programi 12-mujor, që nis më 20 gusht, do të zbatohet fillimisht vetëm për qytetarët e Malawit dhe Zambias.

Burime nga Ministria e Jashtme shqiptare konfirmuan se vendi nuk është në listë dhe nuk ka njoftim për përfshirje në të ardhmen e afërt.

Masa synon të ulë shkeljet e afateve të qëndrimit, një problem që, sipas një raporti të vitit 2023, prek 42% të emigrantëve që hyjnë me vizë në SHBA.