“Shpejt se babi vrau nënën”/ Fqinja hedh poshtë sherrin për telefonin: U zunë për qenin, vajza e Olsit ishte tek unë, më la shapkat e iku me vrap sapo dëgjoi krimin

Gazeta Express

07/08/2020 17:10

Fqinja e Firdes Çekiçit, gruas që u vra nga i biri në mënyrë macabre një ditë më parë, ka hedhur poshtë versionin se sherri në familje nisi për telefonin e vajzës së autorit të krimit. Në një prononcim për OraNews, gruaja që prej 40 vitesh është fqinjë me familjen Çekiçi, tregon se në momentin që ka ndodhur krimi, e bija e 44-vjeçarit që vuante dhe nga probleme të shëndetit mendor, ishte në shtëpinë e saj.

Ajo shton ndër të tjera se si fillim mes dy vëllezërve pasi Olsi kishte një qen që e mbante në banesë dhe ky i fundit ishte duke ulëritur, vëllai i Olsit i ka gjuajtur me një objekt të pushonte dhe kaq ka mjaftuar që Olsi më pas të fillonte debatin duke përfunduar me vrasjen e nënës së tij e cila sapo ishte kthyer nga toka bujqësore.

Më pas, gruaja shton se 15-vjeçarja në momentin që ka dalë nga banesa e komshijes ka parë që i ati kishte vrarë gjyshen dhe ka marrë biçikletën për të shkuar në polici.

“Ishte shumë e mirë, punëtore. Nuk na kishte sjellë probleme ndonjëherë. Edhe Olsi i mirë ishte pavarësisht problemeve të tij. në ishim këtu me djalin dhe erdhi çupka. Sa hyri çupka po I thoshte djali se po e thërret babai. Në atë kohë erdhi një fëmijë dhe e thirri ‘shpejt se të theri babi nënën’. Dhe iku, edhe shpakat i la këtu. Vajza iku në polici, ishte bërë si e tërbuar. Dola pashë Olsin dhe më pyeti se ku i shkoi vajza. Në dorë kishte kosën dhe ishte i përlyer më gjak. Më pas erdhi policia. Ashtu e ka edhe të vëllanë si të sëmurë,”– tregon ajo ndër të tjera.

Ngjarja e rëndë tronditi Pogradecin pasditen e djeshme. Olsi Çekiçi i preu kokën me thikë nënës së tij, 70-vjeçares, Firdes Çekiçi dhe e vari në derë të shtëpisë. 44-vjeçari la të plagosur edhe vëllain e tij. Ai u arrestua menjëherë nga policia dhe u gjet i përlyer në gjak. Më herët u raportua se sherri kishte nisur mes Olsit dhe vajzës së tij dhe se ai vërtet kishte dashur të vriste të bijën, por nëna kishte ndërhyrë.