Shkel urdhrin mbrojtës, dyshohet se kanosi gruan përmes rrjeteve sociale në Fushë Kosovë

Lajme

Gazeta Express

14/06/2026 9:10

Policia njofton se një i dyshuar mashkull kosovar, ndaj të cilit ishte lëshuar urdhër mbrojtës ndaj gruas, dyshohet se e ka kanosur atë përmes rrjeteve sociale.

Lidhur me rastin, viktima së bashku me fëmijët e saj është dërguar në strehimore për trajtim dhe mbrojtje.

Rasti është iniciuar si “Mospërfillje e gjykatës” dhe po hetohet nga organet kompetente.

Njoftimi i plotë:

MOSPËRFILLJE E GJYKATËS/Fushë Kosovë 13.06.2026, 16:28. Është raportuar se i dyshuari mashkull kosovar me urdhër mbrojtës ndaj viktimës femër kosovare, e ka kanosur të njëjtën përmes rrjeteve sociale. Lidhur me rastin viktima së bashku me fëmijët e saj është dërguar në strehimore. Rasti në procedurë hetimore.