Shikoni se si ministri britanik e bind gazetarin live të vaksinohet kundër Covid-19

Lajme

Gazeta Express

30/11/2021 13:32

“Asnjëherë mos e shtyni për nesër punën që mund të bëni sot”. Kjo duket të jetë motoja e ministrit britanik të Shëndetësisë, i cili vetëm sa nuk e mori në krahë gazetarin, të cilit do i jepte intervistë, e ta çonte për të bërë vaksinën kundër Covid-19.

Një video e publikuar nga Sky News tregon Sajid Javid  duke qëndruar jashtë qendrës së vaksinimit në Spitalin St Thomas’ , në pritje të fillimit të intervistës së tij me gazetarin John Craig.

Teksa kamera “filmon”, ministri britanik i Shëndetësisë fillon një bisedë me gazetarin me përvojë dhe e pyet nëse e ka marrë dozën e tretë përforcuese.

 “Jo, jam 64 vjeç, nuk e kam bërë ende ”, përgjigjet gazetari, me ministrin  që e pyet menjëherë “pse jo”. Gazetari  më pas shpjegon se ka neglizhuar vaksinën pjesërisht, sepse e kishte kaluar Covid.

Watch as Health Secretary @sajidjavid persuades Sky's chief political correspondent @joncraig to get his booster jab while the pair were preparing for an interview at St Thomas' Hospital vaccination centre.

Get live #COVID19 updates: https://t.co/wIvNhraJrm pic.twitter.com/V8I7KUfWOD

— Sky News (@SkyNews) November 29, 2021

“Sipas rregullave të reja, ju mund ta bëni tani dozën e tretë,” i thotë Javid gazetarit, duke e këshilluar të shkojë te qendra e vaksinimit.

Gazetari më pas e pyet  … sa orë janë të hapura dhe Javid përgjigjet “deri në 8”.

Por duke ditur se … hekuri ngjitet sa është i nxehtë, ministri britanik i Shëndetësisë i thotë gazetarit të shkojë direkt për tu vaksinuar.