Shijojeni pritjen spektakolare të Aro Muricit

Futboll

Gazeta Express

06/10/2025 21:40

Portieri i kombëtares së Kosovës, Arijanet Muric po kalon në formë shumë të mirë te klubi i tij i ri, Sassuolo.

Gjatë kësaj vere, portieri dardan kaloi nga futbolli anglez te klubi i sapopromovuar në elitën e futbollit italian, Serie A.

Edhe pse nuk e nisi mirë aventurën në Itali, duke qenë në bankën rezervë në dy ndeshjet e para, Muric e mori pozitën e titullarit, duke treguar madje paraqitje të mëdha në ndeshjet e Sassuolos.

Madje, në ndeshjen e fundit ndaj Veronas, Muric u shpall lojtari i ndeshjes – teksa nga SofaScore u vlerësua me notën 10-të.

Ai pati nëntë pritje, ndërsa fitoi edhe dy duele ajrore.

Mirëpo, një nga pritjet e tij në këtë ballafaqim ishte aq spektakolare, saqë klubi i tij vazhdon ta kujtojtë tri ditë pas ndeshjes.

“Shijojeni pritjen e Aro Muric”, shkruan faqja zyrtare e klubit të Sassuolos në “Instagram”.

View this post on Instagram

A post shared by U.S. Sassuolo Calcio (@sassuolocalcio)

Aro Muric është pjesë e listës së kombëtares së Kosovës për dy ndeshjet e tetorit, që “Dardanët” i zhvillojnë ndaj Sllovenisë dhe Suedisë./GazetaExpress/